سنڌ حڪومت ايران سان ڪاروبار وڌائڻ لاءِ ڪم ڪندي

سنڌ جي وڏي وزير ۽ ايران جي صوبي خراسان جي گورنر وچ ۾ هڪ ياداشت نامي تي صحيحون ڪيون ويون آهن. جنهن مطابق سنڌ صوبي ۽ خراسان جي صوبي وچ ۾ ڪاروبار کي وڌائڻ سميت ٻنهي ملڪن وچ ۾ سياحت کي فروغ ڏيڻ لاءِ ڪم ڪيو ويندو. ياد رهي ته سنڌ جو وڏو وزير ٻن ڏينهن لاءِ ايران جي دوري تي ويل هو، جتي هن سنڌ ۽ ايران وچ ۾ ڪاروبار کي وڌائڻ لاءِ ڪوششون ڪيون آهن. هن سلسلي ۾ ٻنهي ملڪن وچ ۾ ثقافتي ميلا پڻ لڳايا ويندا. جنهن ۾ ٻنهي ملڪن جا فنڪار پنهنجي فن جو مظاهرو به ڪندا. ان کان علاوه ان ڳالهه جو به فيصلو ڪيو ويو ته ٻئي صوبا هڪٻئي جي شهرن ۾ سيڙپڪاري پڻ ڪندا. سنڌ جي وڏي وزير خراسان جي گورنر کي اهو به چيو ته هو ايران ايندڙ زائرين جنهن ۾ سڄي ملڪ ۽ خاص طور سنڌ جي زائرين جي لاءِ خاص طور تي سهولتن ۾ اضافو ڪيو وڃي.