سنڌ جي تعليمي ادارن ۾ هن سال سياري جون موڪلون نه ٿينديون
سنڌ جي تعليم واري وزير سعيد غني چيو آهي ته هلندڙ سال سنڌ جي تعليمي ادارن ۾ سياري جون موڪلون نه ٿينديون. سعيد غني چيو ته ڪورونا وائرس جي ڪيسن ۾ گهٽتائي کانپوءِ ڪراچي سميت سڄي صوبي ۾ اسڪول کولڻ جو فيصلو ڪيو ويو آهي ۽ ان حوالي سان حڪمت عملي ٺاهي وئي آهي. هن چيو ته جيڪي اسڪول آن لائين تعليم ڏيڻ چاهن ٿا اهي جاري رکي سگهن ٿا. اسڪولن ۾ ٻارن کي سيٽن تي ويهارڻ جو فيصلو ڪيئن ڪيو ويندو اهو اسڪول انتظاميه تي ڇڏيو ويو آهي. سعيد غني چيو ته تعليم صوبائي معاملو آهي، وفاق صوبن تي هڪجهڙو نصاب لاڳو نٿو ڪري سگهي.
