احسان الله احسان کي ڪنهن ٻاهر وڃڻ ڏنو: قمر زمان ڪائرا.

پيپلز پارٽي پنجاب جي صدر قمر زمان ڪائرا جو چوڻ آهي ته احسان الله احسان جي طرفان بلاول ڀٽو کي ڏنل قتل جي ڌمڪي جو حڪومت جواب ڏي. لاهور ۾ پريس ڪانفرنس کي خطاب ڪندي قمر زمان ڪائرا چيو ته احسان الله احسان کي ڪنهن ٻاهر وڃڻ ڏنو، اسين ڌمڪين کان ڊڄڻ وارا ناهيون. هن چيو ته هو سنجيدگي سان جلد آل پارٽيز ڪانفرنس (اي پي سي) گهرائڻ کپن. بلاول ڀٽو اي پي سي جي ايجنڊا تي اسپيڪر قومي اسيمبلي خلاف عدم اعتماد جي تحريڪ آڻڻ جي ڳالهه ڪئي هئي پر شهباز شريف جي صحت متاثر ٿي وئي. پ پ اڳواڻ وڌيڪ چيو ته رانديگرن کي پوئتي هٽڻ گهرجي ۽ ايوان اندر گڏجي تبديلي آڻڻ چاهيون ٿا. قمر زمان ڪائرا چيو ته زنده رهڻ لاءِ فاشزم جو اصول پروپيگنڊا ڪرڻ آهي اصل ۾ کنڊ، اٽو ۽ پيٽرول بحران جا مافيا عمران خان جي ساڄي ۽ کاٻي پاسي بيٺا آهن، جڏهن ناڪامي ٿئي ٿي ته پنهنجي خلاف سازش قرار ڏين ٿا.