پاڪستانخاصنيو‍‍ز

حڪومت پاران سينيٽ ۽ قومي اسيمبلي ۾ اڄ مني بجيٽ منظور ڪرائڻ جون تياريون مڪمل

وفاقي حڪومت سينيٽ ۽ قومي اسيمبلي ۾ اڄ مني بجيٽ منظور ڪرائڻ جون تياريون مڪمل ڪري ورتيون، مخالف ڌر پاران مني بجيٽ روڪڻ لاءِ پارليامينٽ اندر ۽ ٻاهر ڀرپور احتجاج جو امڪان، وزيراعظم عمران خان حڪومتي ميمبرن کي حاضري يقيني بڻائڻ جي هدايت ڪري ڇڏي. تفصيل موجب سينيٽ جو اجلاس ٻن ڏينهن جي وقفي بعد اڄ سومر ڏينهن منجهند جو 3 وڳي ٿيندو، اجلاس جي پنج نقاطي ايجنڊا جاري ڪئي وئي آھي جنهن ۾ مني بجيٽ تي سينيٽ جي ناڻي ڪاميٽي جي چيئرمين پاران رپورٽ پيش ڪرڻ ۽ ان جي منظوري وٺڻ جو مامرو به شامل ڪيو ويو آھي.