وزيراعظم پاران سنڌ حڪومت کي گڏجي ڪم ڪرڻ جي آڇ

وزيراعظم ڪراچي سرڪلر ريلوي منصوبي جي پيڙهه جو پٿر رکي ڇڏيو. ڪي سي آر منصوبي جي افتتاحي تقريب کي خطاب ڪندي چيو ته ڪراچي جي بهتري لاءِ سنڌ ۽ وفاقي حڪومت کي گڏجي هلڻو پوندو سياسي اختلاف وسارڻا پوندا. ريلوي آفيسر ۽ مزدور به موجود آهن. هن چيو ته پاڪستان ۾ ڪراچي جي اهميت جو اندازو نٿا لڳائي سگهون. انگلينڊ ۾ لنڊن، آمريڪا ۾ نيو يارڪ ۽ پاڪستان ۾ ڪراچي آهي. ڪراچي ٽرانس فارميشن پلان جو فائدو سڄي ملڪ کي ٿيندو. بنيادي انفرا اسٽرڪچر ۾ سڀ کان اهم شيءِ ٽرانسپورٽ هوندي آهي. ڪراچي جو ٻيو وڏو مسئلو پاڻي آهي. ڪي فور منصوبو ڪراچي لاءِ نعمت هوندو.