وڏي وزير چيمبرز آف ڪامرس کي خطاب ڪندي چيو ته اها جاءِ ٻڌايو جتي مينهن وسي ۽ پاڻي گڏ نه ٿئي

سنڌ جي وڏي وزير چيو آهي ته اها جڳهه ٻڌايو جتي مينهن وسڻ کانپوءِ پاڻي گڏ ناهي ٿيندو. وڏي وزير فيڊريشن آف پاڪستان چيمبر آف ڪامرس اينڊ انڊسٽري (ايف پي سي سي آءِ) ۾ سيمپوزيم کي خطاب ڪندي چيو آهي ته مينهن جي موسم ۾ ته نيو يارڪ سب وي اسٽيشنز ۾ به پاڻي ڀرجي ويندو آهي. سنڌ حڪومت هر سال ٽن اسپتالن کي 22 ارب رپيا ڏئي رهي آهي. دنيا ۾ سڀ کان وڌيڪ اينجيو پلاسٽي اين آءِ سي وي ڊي ۾ ٿي رهي آهي. پوءِ به ماڻهو مڃڻ لاءِ تيار ئي ناهن. هن چيو ته تعليم جي حوالي سان حالتون حوصلا افزا ناهن، پر جادو جي ڇڙي ناهي جو معاملا فوري طور تي ٺيڪ ٿي وڃن. سي ايم سنڌ سپريم ڪورٽ جي احترام سان ڳالهه ڪندي چيو ته هن وقت عدالتن ۾ 50 هزار ڪيس ٻڌڻي هيٺ پيل آهن.