پي ٽي آءِ ڪارڪنن جو اسلام آباد ۾ سنڌ هائوس تي حملو، ڏنڊا ۽ لتون هڻي در ڀڃي ڇڏيو، احاطي ۾ داخل

اسلام آباد ۾ تحريڪ انصاف جي ڪارڪنن سنڌ هائوس تي حملو ڪري ڏنو. تحريڪ انصاف جي ڪارڪنن لتون ۽ ڏنڊا هڻي در ڀڃي ڇڏيو ۽ سنڌ هائوس جي احاطي ۾ داخل ٿي ويا، تحريڪ انصاف جو ايم اين اي عطاءُ الله نيازي به ڪارڪنن سان گڏ موجود هو. تحريڪ انصاف ڪارڪنن سنڌ هائوس اندر احتجاج ۽ نعريبازي ڪئي، سنڌ هائوس  اڳيان مقرر پوليس اهلڪار مڇريل ڪارڪنن اڳيان بي وس نظر آيا، جڏهن ته اسلام آباد پوليس جي نفري به سنڌ هائوس پهچي وئي، پر اها به پي ٽي آءِ ڪارڪنن کي روڪڻ ۾ ناڪام رهي. ان کان اڳ به پي ٽي آءِ ڪارڪنن ريڊ زون ۾ موجود سنڌ هائوس ٻاهران احتجاج ڪيو.