شاعرينئون شاعري November 15, 2025 Zahida Abro غزلساحر راهوآئون ٿيس اُگهاڙو، توکي چپن تي آڻي،اُجرو لِباس دل جو، ميري بدن تي آڻي.سينور وري ٿو ڌوپي، اتهاس جي پنن تان،تاريخ ٿي تماچي، ڪينجهر ڪپن تي آڻي.مُمِڪن جڏهن هو توکان، اي دل نه ڪئي تلافي،ورڻو به هاڻ ڇاهي، ڳوڙها ڳلن تي آڻي.هِڪِڙو به سُرُ نه ٻاڙو، ڪڏهين لڳو هِجِرَ ۾،ڪنهن وٽ ثبوت آهي، پڌِرو پٽن تي آڻي.درياھُ دائري ۾، ڦريو ٿي کُوھ وانگي،سُهڻيءَ جي سرفروشي، جُريت ڪفن تي آڻي.ترتيب ويئي ڀُلجي، تاريخ وقت جي آ،موهن جي ناچڻيءَ جي، ڇن ڇن پنن تي آڻي.منهنجي حِصي ۾ آئي، آوارگي ازل جي،جيڪا ڇڙي ڇنڊي ٿي، مون کي گنن تي آڻي.درٻار اڄُ سڄي آ، ساڳي اُها ئي ساحر،منصُور بي ڊپا ٿي، مسند اڱڻ تي آڻي.***وائيوسيم سومروايڏي ڏکي دانهن دانهن به ڄڻ ٽانڊو هجيڄڻ هئي منهنجيءَ ماءُ جيمونکي ککي دانهن دانهن به ڄڻ ٽانڊو هجيجهنگ لتاڙيِندي وئيبر ڏي بکي دانهن دانهن به ڄڻ ٽانڊو هجيڀڀڙ ٿي ڀڙڪي پئيدکي دکي دانهن دانهن به ڄڻ ٽانڊو هجيٿي نه سگهي ڪنهن سج لاءِسورج مُکي دانهن دانهن به ڄڻ ٽانڊو هجيمَکن ريءَ وسيم هئيرُکي رُکي دانهن دانهن به ڄڻ ٽانڊو هجي***نثري نظممونکي سوچڻ ڇڏيومهتاب جهتيالمونکي سوچڻ ڏيو تهنوجوان اکين کان پهريان عورت جي ارهن ۾ ڇو ڏسندو آهي؟مونکي سوچڻ ڏيو تهعورت عشق جي پڄاڻي جو سفر پئسن جي ڍڳ تي ويهي ڇو ڪندي آهي؟مونکي سوچڻ ڏيو تهمرد ڪمزور کي ضبط ۾ آڻڻ جي ڪوشش ۽ طاقتور جي طابع ڇو رهڻ چاهيندو آهي؟مونکي سوچڻ ڏيو تهپاڻ کان غريب تي اسين چٿر،ڇو ڪندا آهيون ته شڪر آهي ان کان اسان ڀلا آهيون؟مونکي سوچڻ ڏيو تهحقيقت جي معنيٰ کي ڳولهڻ لاءِ سوچيندي سوچيندي اسين ڇو سوچڻ ڇڏي سوچ ٿي ويندا آهيون؟مونکي سوچڻ ڏيو تهچانهه پيئڻ کانپوءِ ۽ ٻئي کي سگريٽ ڇڪيندي ڇو سگريٽ جو موالي سگريٽ دکائيندو آهي؟مونکي سوچڻ ڏيو تهڪتي جي نظر مالڪ کان اڳ مالڪ جي هٿن ۾ جهليل هڏن جي ٿيلهي تي ڇو پوندي آهي؟مونکي سوچڻ ڏيو تهعقل جي فيصلي تي دل هميشه ڇو دير سان مطئمن ٿيندي آهي؟مونکي سوچڻ ڏيو تهتوهان ھتي ڇو آهيو؟۽ مان اوهان کي ڇو ٻڌائي رهيو آهيان؟***نفيس نهڙيبهارون اسان جي حصي ۾ ڪٿينهارون اسان جي نشي ۾ ڪٿيهو نهاري نهاري پيئاري ٿي ماريجيئڻ جو شوق آ پيئڻ ۾ ڪٿيدادلي دل نشيلي نيڻن ۾ اٽڪيملڻ کانسواءِ اک اٽڪڻ ۾ ڪٿيحياتي نفيس چاهت ڳولڻ ۾ گذريمزو موڪلائڻ جو ڀلا ملڻ ۾ ڪٿي***نثري نظمانعام جتوئي“سڙن ٿا پيرڙا جڳن کان!”ڳڀو،ها ڳڀو!لڙڪ ۾،مٽي ۾،گِگَن ۾ ڀڳل!مروڙيل،نينگر جيمعصوم هٿن ۾!ڇا تو ڏٺو آهي؟؟ڦڪي ڀت جيهڪڙي ڪمري ۾،پکن جو پر به ناهي!ڀتن جا ڇاپَر ڀُرن ٿا،۽آڳر ۾ ڪو وڻ به ناهي!ڇا تو ڏٺو آهي؟؟سڙن ٿا پيرڙا جڳن کان،دکن جي درمان جوڪو در به ناهي!!مٽي جي مهڪ ۾ ميرو،ڦڪو پهريل آ وڳو،هڪ هٿ ۾ آ ڦاٽلهڪ “سنڌي ڪتاب”۽ٻي هٿ ۾ڀوتار جيصدين جي ڪرپشن مٽائڻ لاءِ،هڪ زنگيل سليٽ!!ڇا تو ڏٺو آهي؟؟*** Post Views: 0
