آرمي چيف سان پاڪستان ۾ مقرر ٿيل نئين چيني سفير جي ملاقات
آرمي چيف جنرل قمر جاويد باجوه سان پاڪستان ۾ مقرر ٿيل نئين چيني سفير نونگ رونگ ملاقات ڪئي آهي. پاڪ فوج جي عام لاڳاپن واري شعبي (آءِ ايس پي آر) موجب آرمي چيف سان چيني سفير جي ملاقات جنرل هيڊ ڪوارٽرز (جي ايڇ ڪيو) راولپنڊي ۾ ٿي. آءِ ايس پي آر ٻڌايو ته ملاقات ۾ گڏيل دلچسپي جي معاملن ۽ علائقائي سلامتي جي صورتحال تي خيالن جي ڏي وٺ ڪئي وئي. آءِ ايس پي آر جو چوڻ آهي ته ملاقات ۾ گڏيل مثالي تعلقات کي وڌيڪ مضبوط ۽ مستحڪم ڪرڻ تي به اتفاق ڪيو ويو.
