امن بحال کپي، ڪم نه ڪندڙ پوليس آفيسرن کي ڊيوٽي تان فارغ ڪرڻ جي ھدايت

سنڌ جي وڏي وزير مراد علي شاهه چيو آھي ته بولٽن مارڪيٽ ڌماڪو ڪراچي ۾ ٿوري عرصي اندر دهشتگردي جو ٽيون واقعو آهي، دهشتگردي جي نئين لهر کي مڪمل ختم ڪرڻو آهي. وڏي وزير جي صدارت ھيٺ امن امان بابت اجلاس ۾ چيف سيڪريٽري، ڊي جي رينجرز، گهرو سيڪريٽري ۽ حساس ادارن جي عملدارن شرڪت ڪئي. اجلاس کي خطاب ڪندي وڏي وزير چيو آهي ته ڪنهن به صورت ۾ امن خراب ڪرڻ نه ڏينداسين، دهشتگردي کي مڪمل طور چِٿڻو آهي. مراد علي شاھ چيو ته پوليس، رينجرز ۽ حساس ادارا گڏجي رٿابندي ڪن، اسان کي نتيجا گهرجن، پوليس کي جيڪي به آفيسر گهرجن، اُهي کنيا وڃن، جيڪو ڪم نٿو ڪري، اُن کي فارغ ڪريو.