سنڌ حڪومت ملڪ ۾ 15 ڏينهن واري ڪرفيو جهڙو لاڪ ڊائون پيش ڪرڻ جي تجويز ڏيئي ٿي
سنڌ حڪومت ملڪ ۾ ڪورونا وائرس جي پکيڙ کي روڪڻ لاءِ 15 ڏينهن جي ڪرفيو جهڙو لاڪ ڊائون تجويز ڪيو. سنڌ جي تعليم واري وزير سعيد غني جيو نيوز پروگرام “نيا پاڪستان” ۾ گفتگو ڪندي چيو ته جيڪڏهن سمورن شهرن مان مريض اڳتي اچي رهيا آهن ته اهڙو سمارٽ لاڪ ڊائون سمجهه ۾ نٿو اچي. هن چيو ته سنڌ حڪومت ان معاملي کي ويجهي کان ڏسي رهي آهي، هڪ وقت ايندو جڏهن صحت جو نظام ويهي ويندو، ڇاڪاڻ ته اسان لاءِ اهو تمام گهڻو مشڪل آهي، جن ملڪن وٽ وسيلا نه هئا اهي ماڻهن جون گهرجون پوريون نه ڪري سگهيا. سعيد غني چيو ته اهو ئي سبب آهي ته اهي شروع کان چئي رهيا هئا ته وائرس کي روڪڻ لاءِ قدم کڻڻا پوندا، پر وفاق ۽ وزيراعظم جو نقطهءِ نظر الڳ آهي. هن وڌيڪ چيو ته 10 لک تمام گهڻي اڳتي جي ڳالهه آهي، جيڪڏهن اڍائي ٽي لک ڪيسز تائين ڳالهه پهچي وئي ته اسان جي اسپتالن ۽ ڊاڪٽرن وٽ ايتري صلاحيت نه هوندي جو هو سنڀالي سگهن. تعليم واري وزير چيو ته اسان پنهنجي ڪوشش ۾ اضافو ڪرڻ جي ڀرپور ڪوشش ڪري رهيا آهيون، پر جيئن ته تعداد تيزي سان وڌي رهيو آهي، اتي ڪو سوال ناهي ته اسين هن صورتحال کي سنڀالي سگھون. ياد رهي ته ڪورونا وائرس سبب مرندڙن جو مجموعي تعداد 2700 کان وڌي چڪو آهي جڏهن ته نوان ڪيس سامهون اچڻ کانپوءِ مريضن جو ڪل تعداد هڪ لک 14 هزار کان وڌيڪ آهي. سنڌ صوبي ۾ 53 هزار کان وڌيڪ ڪيس رپورٽ ٿيا آهن. جڏهن ته پنجاب ۾ ڪورونا جي مريضن جو ڪل تعداد 52 هزار کان وڌيڪ آهي.
