سنڌ هاءِ ڪورٽ سکر حڪومتي ترجمان مرتضيٰ وهاب جي پينشن قسطن تي ادا ڪرڻ واري درخواست رد ڪري ڇڏي

حيرت آهي جو سنڌ حڪومت چوي ٿي ته پينشن قسطن تي ادا ڪريون، پهرين بينڪون ۽ عام ماڻهو قسطن تي ادائگين جي ڳالهه ڪندا هئا، سنڌ هاءِ ڪورٽ سکر حڪومتي ترجمان مرتضيٰ وهاب جي پينشن قسطن تي ادا ڪرڻ واري درخواست رد ڪندي چيو ته اها هڪ حيرت ۾ وجهندڙ ڳالهه آهي ته پينشن قسطن ۾ ادا ڪئي وڃي. پينشن ادا ڪرڻ جي حڪم بعد هڪ رٽائرڊ ملازم لاءِ 2 لک رُپين جو چيڪ عدالت ۾ جمع، ٻڌڻي دوران سنڌ حڪومت جي ترجمان مرتضيٰ وهاب چيو ته وفاق طرفان مالياتي ايوارڊ تحت رقم نه ڏيڻ سبب سنڌ حڪومت مالي ڏکيائين جو شڪار آهي، عدالت ريمارڪس ۾ چيو ته حڪومت وٽ فنڊز اچن ٿا ته اُنهن جو صحيح استعمال نٿو ٿئي.