سنڌ ۾ گئس جي بندش تي اوگرا چيئرمين ۽ سئي سدرن گئس ڪمپني اختيارين سوڌو ٻين ڌرين کي نوٽيس جاري

سنڌ ۾ گئس جي بندش تي اوگرا چيئرمين ۽ سئي سدرن گئس ڪمپني اختيارين سوڌو ٻين ڌُرين کي نوٽيس جاري، سنڌ هاءِ ڪورٽ صوبي ۾ گئس بحران خلاف درخواست تي ٻڌڻي دوران درخواستگذار چيو ته سنڌ صوبو 68 سيڪڙو گئس پيدا ڪري ٿو، آئين موجب جنهن صوبي مان گئس نڪري ٿي، سڀ کان پهرين اُن صوبي کي گئس فراهم ڪئي وڃي، ملڪ ۾ سڀ کان وڌيڪ گئس پيدا ڪندڙ سنڌ گئس بحران کي منهن ڏئي رهيو آهي، عدالت سئي سدرن ڪمپني جي ايم ڊي کي ايندڙ ٻڌڻي تي جواب يقيني بڻائڻ جو حڪم ڏيندي چيو آهي ته سپريم ڪورٽ گئس فراهمي جي حوالي سان فيصلو ڏئي چڪي آهي، هن معاملي ۾ عدالتِ عظميٰ جي فيصلن جو به جائزو ورتو ويندو.