سپريم ڪورٽ قابل اعتراض مواد سوشل ميڊيا تي شيئر ڪرڻ جو نوٽيس ورتو
سپريم ڪورٽ قابل اعتراض مواد سوشل ميڊيا تي شيئر ڪرڻ واري معاملي جو نوٽيس ورتو.سپريم ڪورٽ فرقيواريت واري ڪيس ۾ ملزم شوڪت علي جي ضمانت بابت ڪيس ۾ نوٽيس ورتو.ڪيس جي ٻڌڻي دوران جسٽس قاضي امين مايوسي جو اظهار ڪيو ۽ پڇاڻو ڪيو ته ڇا وفاقي جاچ اداري (ايف آءِ اي) ۽ پاڪستان ٽيلي ڪميونيڪيشن اٿارٽي (پي ٽي اي) ڏٺو هو ته يوٽيوب تي ڇا ٿي رهيو آهي. جسٽس قاضي امين رمارڪس ڏيندي چيو ته يوٽيوب ۽ ٻين سوشل ميڊيا پليٽفارم تي اسان جي گهر وارن کي به نٿو بخشيو وڃي.”ڪالهه اسان فيصلو ڪيو ۽ اهو يوٽيوب تي شروع ٿيو. اسان صبر ڏيکاري رهيا آهيون. آخر ان جو خاتمو ٿيڻو آهي ،” هن چيو ”ماڻهن کي اسان جي ڪارڪردگي ۽ فيصلن تي ڳالهائڻ جو حق آهي. اسان کي اظهار جي آزادي سان ڪو مسئلو ناهي ، پر آئين اسان کي رازداري جو حق به ڏي ٿو.
