ميرا جي اسٽيج ڊرامي دوران نامعلوم ماڻهن جي فائرنگ
فيصل آباد ۾ اداڪاره ميرا جي اسٽيج ڊرامي دوران سبينه ٿيٽر جي ٻاهران نامعلوم موٽرسائيڪل سوار فائرنگ ڪري فرار ٿي ويا. پوليس ذريعن مطابق فيڪٽري ايريا جي علائقي ۾ واقع سبينه ٿيٽر ۾ جاري اسٽيج ڊرامي دوران نامعلوم ملزمن ٿيٽر ٻاهران فائرنگ ڪئي ۽ فرار ٿي ويا، جنهنڪري ٻاهر بيٺل گاڏين جا شيشا ٽٽي پيا. فائرنگ وقت اداڪاره ميرا به اسٽيج تي موجود هئي، فائرنگ سبب علائقي ۾ خوف ۽ حراس ڇانيل رهيو. اطلاع ملڻ تي پوليس موقعي تي پهچي واقعي جي تحقيقات شروع ڪري ڇڏي آهي.
