هزارين ٻارڙا ارڙي ۽ روبيلا ويڪسين کان محروم
سنڌ جي مختلف علائقن ۾ ويڪسينيٽرن جي بائيڪاٽ سبب هزارين ٻارڙا ارڙي ۽ روبيلا ويڪسين کان محروم آھن، جيڪب آباد ۾ ويڪسينيٽرن طرفان ويڪسينيشن مهم جو بائيڪاٽ ڪندي مطالبن جي مڃتا لاءِ احتجاج ڪيو ويو. ٽنڊو باگو ۾ ويڪسينيٽرن ارڙي ۽ روبيلا ويڪسينيشن مهم جو بائيڪاٽ ڪري ڇڏيو آھي. مطالبن جي مڃتا تائين بائيڪاٽ جاري رکڻ جو اعلان ڪيو ويو. ڌاٻيجي بيسڪ هيلٿ يونٽ ۾ ويسينيٽرن طرفان ڪم ڇڏ هڙتال، ارڙي ۽ روبيلا ويڪسينيشن مهم شروع نه ٿي سگهي. دوڙ ۾ به ويڪسينيٽرن ارڙي ۽ روبيلا ويڪسينيشن مهم جو بائيڪاٽ ڪري ڇڏيو. سندن چوڻ آهي ته برطرف ملازمن جي بحالي ۽ ٻين مطالبن جي مڃتا تائين احتجاج جاري رکيو ويندو.
