خشڪيءَ ۾ ساهه کڻندڙ عجيب ۽ خطرناڪ مڇي
آمريڪا جي رياست جارجيا جي جنگلي ۽ قدرتي حيات واري اداري پاران چيو ويو آهي ته سنيڪ هيڊ يعني (نانگ جي منهن واري) نالي مڇي کي پاڻي کان خشڪي تي ڏسو ته ان کي ماري ڇڏيو. ڇاڪاڻ ته ان جي مادي هڪ سال ۾ هڪ لک آنا ڏيندي آهي. اها مڇي پنهنجي اڳيان ڪنهن کي به بيهڻ نٿي ڏئي، اها آمريڪا جي 15 رياستن ۾ پکڙجي رهي آهي. ان مڇي جي سائز ٽي فوٽن جي آهي ۽ اها عجيب قسم جي مڇي آهي. اداري پاران اعلان ڪيو ويو آهي ته ان مڇي کي ڏسندي ئي ماري ڇڏيو. قدرت هن مڇي کي خشڪي تي ساهه کڻڻ جي قابل به بڻايو آهي، جنهن ڪري اها پاڻي اندر مڇين لاءِ خطرناڪ آهي ته پاڻي کان ٻاهر انسانن ۽ ٻين جاندارن لاءِ خطرناڪ ثابت ٿي سگهي ٿي.
