پروڊيوسرن جون گهرواريون مون تي ٺٺوليون ڪنديون هيون: هيما مالني
بالي ووڊ جي ورسٽائل اداڪاره هيما مالني انڪشاف ڪيو آهي ته پروڊيوسرن جون گهرواريون کيس فيشن سينس ليس چونديون هيون ۽ سندس ساڙهين جي چونڊ تي ٺٺوليون ڪنديون هيون. هڪ انٽرويو ۾ هن چيو ته هوءَ اڪثر تقريبن ۾ روايتي ساڙهي پائي ويندي هئي، اڪثر پروڊيوسرن جون گهرواريون پنجابي هيون جيڪي منهنجي ساڙهين ۽ بلائوزن تي ٺٺوليون ڪنديون هيون. مون کي ڏسي چونديون هيون ته مدراسڻ اچي وئي آهي. هن چيو ته ساڙهي پائڻ جي عادت نه هئي، پر امڙ ساڙهي پائڻ جي عادت وڌي.
