چين بي بي سي ورلڊ مٿان پابندي هڻي ڇڏي

چين برطانوي نشرياتي اداري برٽش براڊ ڪاسٽنگ ڪارپوريشن (بي بي سي) تي پابندي هڻي ڇڏي. خبر موجب چيني عملدارن بي بي سي تي چين جي ميڊيا ڪوڊ جي خلاف ورزي ڪرڻ جو الزام هڻندي ان تي پابندي هنئي آهي. چين جي نيشنل ريڊيو اينڊ ٽيليويزن ايڊمنسٽريشن پاران جاري بيان ۾ چيو ويو آهي ته چين ۾ ميڊيا جي اداري لاءِ ضروري آهي ته ان جي خبر تصديق ٿيل ۽ شفاف هجي جنهن سان چين جي قومي مفادن کي نقصان نه ٿيندو هجي. خبر موجب بي بي سي پاران سنڪيانگ بابت خبرن ۽ ڪورونا بابت هينڊلگ بابت رپورٽس جي ڪري پابندي هنئي وئي. ان حوالي سان بي بي سي جو چوڻ آهي ته اسان کي مايوسي ٿي آهي ته چيني عملدارن اهڙو قدم کنيو.