چار ماڻهو مونکي قتل ڪرائڻ پيا چاهين، انهن ۾ آصف زرداري به شامل آهي: عمران خان

پي ٽي آءِ جي سربراهه عمران خان اڳوڻي صدر آصف زرداري تي قتل جي سازش ۾ ملوث هجڻ جا الزام لڳايا آهن. هن چيو آهي ته آصف زرداري کيس قتل ڪرائڻ لاءِ دهشتگرد تنظيم کي پئسا ڏنا، طاقتور ماڻهو ان منصوبي ۾ سهولتڪار بڻيل آهن، پلان اي ۽ بي ذري گهٽ ڪامياب ٿي ويا هئا، پر مون کي الله بچايو، هاڻي وري قتل جو پلان سي جوڙيو ويو آهي. لاهور ۾ پريس ڪانفرنس ڪندي عمران خان چيو ته سنڌ سرڪار جو لٽيل پئسو مون خلاف استعمال ڪيو پيو وڃي، مون کي جيڪي 4 ماڻهو قتل ڪرائڻ گهرن ٿا، انهن ۾ آصف زرداري به شامل آهي.