سويابين ڪوليسٽرول کي 70 سيڪڙو گهٽ ڪري سگهي ٿو: تحقيق

”خاموش قاتل“ جي طور تي ڄاڻي ويندڙ ڪيفيت بلند ڪوليسٽرول اسان لاءِ دل جي مرضن ۽ فالج جي خطرن کي وڌائي ڇڏي ٿي. انهن نقصانن کان بچاءُ جي پيش نظر جسم ۾ ڪوليسٽرول کي قابو ۾ رکڻ لاءِ اسٽيٽنس جو استعمال ڪيو ويندو آهي. جڏهن ته هڪ نئين تحقيق ۾ معلوم ٿيو آهي ته ان معاملي ۾ سويابين پڻ ڪافي موثر ثابت ٿي سگهي ٿو. چاهي ڪافي ۾ سويا کير جو شامل ڪرڻ هجي يا گوشت جي متبادل جي طور تي استعمال ڪرڻ، سويا بينز ٻوٽن تي ٻڌل غذا جي طور تي پنهنجي اهم جڳهه ٺاهي آهي.  جرنل اينٽي آڪسيڊنٽس ۾ شايع ٿيندڙ تحقيق مطابق بي ڪونگلائسينن پروٽين سان ڀرپور سويا جي اٽي جو استعمال مضر ڪوليسٽرول کي گهٽ ڪرڻ جي صلاحيت رکي ٿو.