قوم لاءِ خوشخبري: ايف اي ٽي ايف پاڪستان کي گري لسٽ مان ڪڍي ڇڏيو
فنانشل ايڪشن ٽاسڪ فورس (ايف اي ٽي ايف) پاڪستان کي گري لسٽ مان ڪڍي ڇڏيو. فيٽف جو ٻن ڏينهن وارو اجلاس پئرس ۾ ٿيو جنهن ۾ پاڪستان جو نالو گري لسٽ مان ڪڍڻ لاءِ جائزو ورتو ويو. اجلاس ۾ پاڪستاني وفد جي قيادت پرڏيهي مملڪتي وزير حنا رباني کر ڪئي، اجلاس کانپوءِ باضابطا فيٽف پاڪستان کي گري لسٽ مان ڪڍڻ جو اعلان ڪيو. فيٽف جي گري لسٽ مان نڪرڻ سان پاڪستان لاءِ پرڏيهي فنڊنگ جو حصول سولو ٿي ويندو. پڌرائي موجب پاڪستان ايف اي ٽي ايف جي مانيٽرنگ ۾ رهندو، پاڪستان کي اينٽي مني لانڊرنگ ۽ ٽيرر فنانسنگ قانون تي وڌيڪ عملدرآمد ڪرائڻو پوندو.
