10 فيبروري کان پوليو روڪ مهم هلائڻ جو اعلان

ڪراچي ۾ پوليو روڪ مهم 10 فيبروري کان شروع ٿيندي. پوليو ايمرجنسي آپريشن سينٽر سنڌ مطابق ڪراچي ۾ پوليو روڪ مهم 10 فيبروري کان 17 فيبروري تائين ڪراچي جي ڇهن ضلعن ۾ جاري رهندي. مهم هيٺ ڪراچي جي پنجن سالن کان گهٽ عمر وارن 23 لک ٻارن کي پوليو کان بچاءُ جا ڦڙا پيارا ويندا. مهم ۾ 13000 کان وڌيڪ ڪارڪن ۽ سپروائيزر حصو وٺندا ۽ 5000 پوليس اهلڪار پوليو ٽيمن کي سيڪيورٽي فراهم ڪندا جيڪي گهر گهر وڃي اسڪولن جي ٻارن کي زندگي بچائڻ واري ويڪسين فراهم ڪندا. حڪومت جو مقصد جون 2020 تائين لڳاتار مهمن جو آغاز ڪرڻ آهي