ڀارتي فوج جي بنا جواز فائرنگ، ٻه جوان شهيد

ڀارتي فوج هڪ دفعو ٻيهر لائين آف ڪنٽرول جي ڀڃڪڙي ڪندي بنا جواز فائرنگ ڪئي آهي جنهن ۾ فوج جا ٻه جوان شهيد ٿي ويا آهن. آءِ ايس پي آر موجب ڀارتي فوج جي بنا جواز فائرنگ جي نتيجي ۾ پاڪ فوج جوابي ڪارروائي ڪئي ته فائرنگ جي ڏي وٺ دوران پاڪ فوج جا ٻه جوان شهيد ٿي ويا. پاڪ فوج جا جيڪي ٻه نوجوان شهيد ٿيا انهن ۾ نائيڪ شاهجهان ۽ سپاهي حميد شامل آهن. ڀارتي فوج جنگبندي معاهدي جي ڀڃڪڙي ڪندي بڪسر سيڪٽر ۾ فائرنگ ڪئي آهي. پاڪ فوج پاران به فوري طور تي ڀرپور جواب ڏنو ويو.