بلاول ۽ مريم لاءِ بد زباني ڪندڙ وزير جو بچاءُ نه ڪرڻ گهرجي

سنڌ جي اطلاعات واري وزير ناصر حسين شاهه تحريڪ انصاف وارن کي بلاول ۽ مريم لاءِ بد زباني ڪندڙ وزير جو بچاءُ نه ڪرڻ گهرجي. ڪراچي ۾ پريس ڪانفرنس ڪندي ناصر حسين شاهه چيو ته ڪيپٽن (ر) صفدر خلاف ڪوڙو ڪيس داخل ڪرڻ لاءِ هڪ ڏوهاري کي اڳيان آندو ويو، آءِ جي سنڌ جي مبينا اغوا واري واقعي جي جاچ ڪور ڪمانڊر ڪراچي ڪري رهيو آهي، اُميد ته رپورٽ پڌري ڪئي ويندي. علي امين گنڊاپور جي بيانن تي تحريڪ انصاف اڳواڻن جي رد عمل جي مذمت ڪندي هن چيو ته بلاول ۽ مريم لاءِ بد زباني ڪندڙ وزير جو بچاءُ نه ڪرڻ گهرجي. سندس وڌيڪ چوڻ هو ته ڪراچي ۾ ترقياتي ڪم ڪرائي رهيا آهيون، تسليم ڪيون ٿا ته ٽرانسپورٽ جي حوالي سان جيترو ڪم ٿيڻ گهرجي ها ايترو ناهي ٿيو.