پاڪستان 2024ع ۾ پهرين اليڪٽرانڪس ليبارٽري قائم ڪندو
سيڪريٽري سائنس اينڊ ٽيڪنالاجي نسيم نواز چيئرمين ساجد مهدي جي زير صدارت قومي اسيمبلي جي قائمه ڪاميٽي جي اجلاس ۾ چيو آهي ته پاڪستان 2024ع ۾ پهرين اليڪٽرانڪس ليبارٽري قائم ڪندو. اليڪٽرانڪس جي حوالي سان ڪنٽرول جو نظام پاڪستان وٽ نه آهي، ريفريجريٽر تائين جو معيار نٿا جاچي سگهن، سولر سيلز جي درآمد تي ڊيوٽي آهي، هتي تيار ٿيڻ وارا سولر پينلز مهانگا آهن. نه ملڪ ۾ سولر سيل ٺاهڻ واري ليبارٽري آهي نه مصنوعي ذهانت ۽ اليڪٽرانڪس جي معيار جاچڻ جو نظام. حڪومتي اداري وزارت سائنس ۽ ٽيڪنالاجي جون ٺاهيل مصنوعي شيون استعمال ئي نٿيون ٿين.
