سپريم ڪورٽ فوجي عدالتن کان 196 ڏوهارين جي ضمانت معطل ڪري ڇڏي
سپريم ڪورٽ فوجي عدالتن مان سزا يافته 196 ڏوهارين جي ضمانت تي آزادي معطل ڪري ڇڏي آهي. جسٽس مشير عالم جي سربراهي ۾ 3 رڪني بينچ ايندڙ جمعي لاءِ ڌرين کي نوٽيس جاري ڪيا. سپريم ڪورٽ وفاقي حڪومت کان 196 ڏوهارين خلاف ڪيسن جا تفصيل پڻ طلب ڪري ورتا. ٻڌڻي دوران جسٽس قاضي امين چيو ته فوجي عدالتن طرفان ٽرائل کانپوءِ فيصلو گهٽ ٿيو، هر ڪيس جا پنهنجا ثبوت ۽ حقيقتون آهن. گذريل مهيني پشاور هاءِ ڪورٽ فوجي عدالتن مان 200 ڏوهارين جون سزائون ختم ڪري انهن جي آزادي جو حڪم ڏنو هو. چيف جسٽس پشاور هاءِ ڪورٽ جسٽس وقار احمد سيٺ ۽ جسٽس نعيم انور ڪيس جو فيصلو ٻڌايو.
