ٽڪ ٽاڪ جي سي اي او استعيفيٰ ڏيئي ڇڏي
سڄي دنيا ۾ مقبول ترين لپ سنڪنگ ايپ ٽڪ ٽاڪ جي سي اي او ڪيون ميئر پنهنجي عهدي تان استعيفيٰ ڏيئي ڇڏي. غير ملڪي خبر ايجنسي مطابق ڪيون ميئر سوشل ميڊيا جي معروف پليٽ فارم کي ڇڏڻ جي تصديق ڪري ڇڏي آهي. ٽڪ ٽاڪ طرفان ملازمن کي جاري ڪيل ليٽر ۾ ٻڌايو ويو آهي ته ڪمپني جو جنرل مئنيجر ونيسا پپاز ڪمپني جو قائم مقام سربراهه هوندو. آمريڪي صدر دعويٰ ڪئي هئي ته ٽڪ ٽاڪ سان آمريڪي شهرين جي جاسوسي ڪري سگهجي ٿي. آمريڪي صدر چيني ڪمپني جي خلاف ڪريڪ ڊائون جا حڪم به ڏنا هئا جنهن خلاف چين قانوني چاره جوئي جو اعلان ڪري ڇڏيو آهي.
