تحريڪ انصاف جي حڪومت ملڪ لاءِ ڪينسر بڻجي چڪي آهي: مريم نواز

مسلم ليگ (ن) جي نائب صدر مريم نواز چيو آهي ته  حڪومت ڪينسر جي مريضن لاءِ مفت دوا بند ڪري ڇڏي آهي، حڪومت هاڻ پاڻ پاڪستان جي لاءِ  ڪينسر بڻجي چڪي آهي. سماجي رابطي جي ويب سائيٽ ٽوئيٽر تي پنهنجي ٽوئيٽ ۾ مسلم ليگ (ن) جي نائب صدر مريم نواز چيو آهي ته ڪينسر جي مريضن جي لاءِ مفت دوا هن حڪومت بند ڪري ڇڏي آهي. جيڪا پاڻ هاڻ ملڪ جي لاءِ ڪينسر بڻجي چڪي آهي. مريم نواز چيو ته ڪينسر جي مفت علاج جي نالي تي چندو وٺندڙن اقتدار ۾ اچي ڪينسر جي مريضن کان سرڪاري علاج جو حق به ڦري ورتو آهي. هن چيو ته تبديلي سرڪار جي حڪومت مڪمل طور تي ناڪام ٿي چڪي آهي غربت ۽ مهانگائي جي ماريل عوام حڪومت کي رد ڪري ڇڏيو آهي.