وزيراعليٰ ڪراچي ۾ گرين لائين پروجيڪٽ کي به مسئلن جو سبب قرار ڏيئي ڇڏيو

وزير اعليٰ سنڌ مراد علي شاهه ڪراچي ۾ ٺهندڙ گرين لائين پروجيڪٽ کي به شهر ۾ پيدا ٿيندڙ مسئلن جو سبب قرار ڏيئي ڇڏيو. گذريل ڏينهن پوندڙ برسات کانپوءِ وزير اعليٰ سنڌ مراد علي شاهه صوبائي وزيرن سان گڏ ڪراچي جو دورو ڪيو. شهر ۾ دوري جي موقعي تي وزير اعليٰ سنڌ جو چوڻ هو ته 38 نالا بلديه عظميٰ جي ذميواري هئي جيڪي صوبائي حڪومت صاف ڪري رهي آهي، ٽي نالا اين ڊي ايم اي گهريا جيڪي ٽي ڏينهن اڳ صاف ٿيا هئا، برسات ٻڌائي ڇڏيو آهي ته ڪهڙا حال اٿئو. هن چيو ته پيپلز پارٽي ڪراچي جي بهتري لاءِ 10 سالن کان ڪم ڪري رهي آهي، سڄي شهر ۾ ضلعي وسطي کان علاوه ڪٿي به وڏيون مشڪلاتون نه آهن، گرين لائين به مسئلا پيدا ڪيا آهن.