پاناما پيپرز کانپوءِ پينڊورا پيپرز
وفاقي ناڻي واري وزير شوڪت ترين، وفاقي وزير مونس الاهي، سينيٽر فيصل واوڊا، پ پ ايم پي اي شرجيل ميمڻ، علي جهانگير صديقي ۽ نواز ليگ سينيٽر اسحاق ڊار جي پٽ علي ڊار سميت 700 پاڪستانين جون آف شور ڪمپنيون ظاهر. رٽائرڊ فوجي آفيسرن جا نالا به ميگا اسڪينڊل پينڊورا پيپرز ۾ شامل. دنيا جي سڀ کان وڏي مالياتي اسيڪنڊل پينڊورا پيپرز ٿرٿلو مچائي ڇڏيو. پاناما اسڪينڊل کانپوءِ دنيا جي سڀ کان وڏي پينڊورا پيپرز جي نالي سان سامهون آيل اسڪينڊل ۾ 700 نالا پاڪستاني ماڻهن جا شامل آهن. جن ۾ بينڪارن، ڪاروباري شخصيتون ۽ ڪجهه ميڊيا مالڪن جا نالا به شامل آهن. اردن جو بادشاهه، قطر جا حڪمران ۽ لبنان جو وزيراعظم ۽ اڳوڻو برطانوي وزيراعظم ٽوني بليئر به آف شور ڪمپنين جا مالڪ نڪتا.
