سپريم ڪورٽ جي فيصلي کان پوءِ اليڪشن ڪميشن جو اهم مشاورتي اجلاس اڄ ٿيندو
سپريم ڪورٽ جو چونڊن التوا ڪيس جو گذريل ڏينهن فيصلو اچڻ کان پوءِ اليڪشن ڪميشن جو اهم مشاورتي اجلاس اڄ ٿيندو. ذريعن موجب اليڪشن ڪميشن جو اجلاس اڄ ڏينهن جو اليڪشن ڪميشن سيڪريٽريٽ اسلام آباد ۾ ٿيندو جنهن جي صدارت چيف اليڪشن ڪمشنر سڪندر سلطان رانا ڪندو. اجلاس ۾ سپريم ڪورٽ جي فيصلي جو جائزو ورتو ويندو. اليڪشن ڪميشن سپريم ڪورٽ جي حڪمن موجب چونڊون ڪرائڻ جي لاءِ لائحه عمل طئي ڪندو.
