مهران يونيورسٽي ۾ چيني ٻولي سکندڙ شاگردن ۾ سرٽيفڪيٽ ورهايا ويا
مهراڻ يونيورسٽي ۾ چيني ٻولي سکندڙ شاگردن ۾ ڪورس مڪمل ٿيڻ تي سرٽيفڪيٽ ورهايا ويا. هي ڪورس پيٽارو جي ڪنفيوشس سينٽر جي سهڪار سان چيني سرڪار جي اسڪالرشپ پروگرام تحت ڪرايو پيو وڃي. تقريب کي خطاب ڪندي وائيس چانسلر اسلم عقيلي چيو ته نيون ٻوليون سکڻ سان توهان وڌيڪ ثقافتن کي سمجهي سگهندا ۽ ان سان اوهان جي صلاحيت ۾ اضافو ٿيندو. هن وڌيڪ چيو ته سکڻ جو عمل هميشه جاري رهڻ گهرجي ڇاڪاڻ ته عقل ڪل ڪو به نه آهي. اسان جا شاگرد چين ۾ اسڪالرشپ تي پڙهڻ لاءِ وڃن ٿا انهن سڀني لاءِ چيني ٻولي سکڻ لازمي آهي. ان کان علاوه جيڪو به سي پيڪ واري ڪوريڊور ۾ نوڪري حاصل ڪرڻ چاهي ٿو ته ان لاءِ چيني ٻولي سکڻ لازمي آهي.
