جمهوريت تي ڪارا ڪڪر ڇانيل آهن- رضا رباني
سينيٽ جي چيئرمين ميان رضا رباني چيو آهي ته ملڪ ۾ جمهوريت مٿان ڪارا ڪڪر ڇانيل آهن. اڳوڻي سينيٽر اقبال حيدر جي پنجين ورسي تي ڳالهائيندي هن چيو ته هن قوم جي وڏي خدمت ڪئي ۽ هن وقت جيڪڏهن هو زنده هجي ها ته ملڪ جون حالتون ڏسي ها ته تمام غمگين ٿئي ها. پرويز مشرف بابت ڳالهائيندي هن چيو ته اقبال حيدر ان ماڻهو بابت ڇا سوچي ها جنهن تي بغاوت جو ڪيس هلي رهيو آهي. جيڪڏهن هو اهڙي شخص کي ڳالهائيندي ٻڌي ها جنهن خلاف بغاوت جو ڪيس به هلي رهيو آهي، هڪ اهڙو شخص جنهن آئين کي ٽوڙيو ۽ ججن کي جيل ۾ موڪليو جيڪي هن جي چوڻ خلاف هلي رهيا هئا. هن چيو ته ملڪ ۾ اهڙو نظام هلي رهيو آهي جنهن ۾ قانون سڀني ۾ هڪ جهڙو نه آهي، طاقتورن ۽ انهن جي دوستن کي وڏي سپورٽ ڪري رهيو آهي.
