پاڪستان جي 22 سيڪڙو آبادي زيابيطس جي مرض ۾ ورتل سروي
ملڪ ۾ هڪ سروي ۾ معلوم ٿيو آهي ته هن وقت 20 سيڪڙو آبادي زيابيطس جي مرض ۾ ورتل آهي. جڏهن ته سڄي دنيا ۾ هڪ ارب ماڻهو زيابيطس جا مريض آهن. جيئن ته اڄ 14 نومبر زيابيطس جي خلاف عالمي سطح جو ڏينهن ملهايو پيو وڃي. غير معياري کاڌو واپرائڻ ،موروثيت ۽ ورزش نه ڪرڻ سبب ماڻهو تيزي سان زيابيطس ۾ مبتلا ٿي وڃن ٿا. 2017 ڊائبيٽڪ سروي مطابق سنڌ جي 26 سيڪڙو آبادي معنيٰ 5 ڪروڙ مان هڪ ڪروڙ ٽيهه لک ماڻهو زيابيطس ۾ مبتلا آهن. تڪليف ڏيندڙ ڳالهه وري اها آهي ته زيابيطس هڪ اڪيلي بيماري نه آهي اها هڪ پئڪيج آهي، جنهن ۾ دل، گڙدا، اکيون به متاثر ٿين ٿيون. ان بيماري کان بچاءُ لاءِ اسان کي پنهنجن زندگي جي طور طريقن کي بدلائڻو پوندو ۽ صحتمند رجحانن کي اختيار ڪرڻو پوندو.
