ڪوليسٽرول کي 60 سيڪڙو تائين گهٽائڻ واري گوري، انساني آزمائش ۾ ڪامياب
ڪوليسٽرول بلڊ پريشر ۽ دل جي مرض، خاص طور تي رڳن جي سوڙهه جو اهم سبب آهي، پر هاڻي هن نئين گوري سان اميد پيدا ٿي آهي ته اها انهن سڀني بيمارين جو شافي علاج ثابت ٿيندي، نئين گوري مريضن ۾ ڪوليسٽرول جي شرح 60 سيڪڙو تائين گهٽائي سگهي ٿي ۽ گهٽ ۾ گهٽ فيز ٽو ڪلينيڪل ٽرائلز (ٻئين درجي جي طبي آزمائش) ۾ اها ڳالهه سامهون آئي آهي. گوري جو تجرباتي نالو ”ايم ڪي 0616“ رکيو ويو آهي جيڪا هڪ خاص قسم جي پروٽين پي سي ايس ڪي 9 کي روڪي ٿي، ان جي گهٽتائي سان جگر کي ايل ڊي ايل ڪوليسٽرول کي ٽوڙڻ ۾ وڌيڪ آساني ٿيندي آهي ۽ ائين ڪوليسٽرول گهٽ ٺهندو.
