داستانِ گل (داستان ٻيون)

سنڌ يونيورسٽيءَ ۾ داخل ٿيڻ جو تاريخي احوال مان اقتباس

ڪجهه مائٽن منهنجي گهر وارن کي اِها مفيد ۽ مُفت صلاح ڏني ته ”ڪنهن ڪمائيندڙ کاتي ۾ سرشتيدار، ڍَڪُ منشي يا ڪُتا مار کاتي ۾ سُپروائيزر، ميونسپالٽيءَ ۾ ناڪي منشي، يا ٽُڪن هڻڻ واري ڊپارٽمينٽ جي سڻڀي نوڪري وٺي ڏيوس، ڇاڪاڻ ته ڪنهن به آرٽس ڪاليج ۾ صبح جو ڪلاس نه هلندا آهن ۽ ان ڪري سرڪاري مفت خور کاتي ۾ خوش به رهندو ۽ گهر جو خرچ به ڪڍي پيو ايندو ۽ آرٽس به پڙهي شادي ڪري گد گد ٿيندو“.