ٻارن کي کاڄن جي الرجي کان بچائڻ لاءِ طريقيڪار وضع

ماهرن جو چوڻ آهي ته والدين پنهنجن ٻارن کي چئن مهينن جي عمر کان ئي کاڄن مان ٺهيل شيون کارائڻ شروع ڪن ته جيئن انهن کي ڪنهن به قسم جي الرجي ۾ مبتلا ٿيڻ کان بچائي سگهجي. تازو ئي ماڻهن کي کاڄن مان ٿيندڙ الرجي جي شڪايتن ۾ ٽي سيڪڙو اضافو ٿيو آهي. جڏهن ته شديد نوعيت جي معاملن ۾ موت به ٿي سگهن ٿا. هن وقت هر 50 مان هڪ ٻار ان مسئلي جو شڪار آهي جيڪو سموري زندگي لاءِ کاڌي ۾ موجود جزن جي حوالي سان هڪ قابل فڪر ڳالهه آهي، پر برطانيه ۾ محققن هڪ طريقو دريافت ڪيو آهي جنهن سان ٻارن کي ان مسئلي کان نجات ڏياري سگهجي ٿي. محققن مطابق کاڄن مان ٺهيل شيون کارائڻ شروع ڪرڻ جو سڀني کان سٺو وقت چار کان ڇهن مهينن جي ڄمار هجي ٿي. ائين ڪرڻ سان ٻارن جي الرجي ۾ مبتلا ٿيڻ جا امڪان 77 سيڪڙو تائين گهٽ ٿي سگهن ٿا.