سانحي ساهيوال جو جي آءِ ٽي جو اڳواڻ رڪارڊ سميت طلب

چيف جسٽس لاهور هاءِ ڪورٽ سردار محمد شميم خان ساهيوال سانحي جي جڊيشل انڪوائري لاءِ داخل درخواست جي ٻڌڻي ڪئي. ٻڌڻي دوران چيف جسٽس، پنجاب جي آءِ جي امجد جاويد سليمي کان سوال ڪيو ته آءِ جي صاحب هي وڏي ظلم جي ڳالهه آهي پوليس کي ڪنهن اختيار ڏنو ته اها سڌيون گوليون هلائي جنهن تي آءِ جي پنجاب چيو ته گوليون هلائيندڙن کي گرفتار ڪري ورتو آهي. سي ٽي ڊي آفيسرن کي به برطرف ڪري ڇڏيو آهي. هڪ ٻي سوال جي جواب ۾ هن چيو ته هن واقعي جي مڪمل انڪوائري 30 ڏينهن ۾ پوري ٿيندي. جنهن بعد چيف جسٽس چيو ته هي معاملو انتهائي نازڪ آهي جنهن لاءِ ٻه رڪني بينچ جوڙيون پيا. تمام ڊي پي اوز کي اطلاع ڏئي ڇڏيو ته صوبي ۾ ان طرح جو واقعو ٻيهر نه ٿئي. ٻڌڻي جي آخر ۾ لاهور هاءِ ڪورٽ، جي آءِ ٽي جي اڳواڻ کي رڪارڊ سميت طلب ڪندي ٻڌڻي ملتوي ڪري ڇڏي.