ڀارت ۽ آسٽريليا وچ ۾ هڪ ٻئي جا فوجي اڏا استعمال ڪرڻ جو معاهدو ٿي ويو
ڀارتي ميڊيا موجب ڀارت پرڏيهي وزارت جي ترجمان چيو آهي ته وزيراعظم نريندر مودي ۽ ان جي آسٽريلوي هم منصب اسڪاٽ موريسن خميس جي ڏينهن هڪٻئي جي فوجي اڏن کي استعمال ڪرڻ جو معاهدو ڪيو آهي. ترجمان چيو ته وزيراعظم مودي ۽ اسڪاٽ موريسن جي وچ ۾ گڏيل لاجسٽڪس پورٽ جو هي معاهدو ورچوئل سمٽ ۾ طئي ٿيو هو. ڀارتي پرڏيهي وزارت جو چوڻ هو ته هي معاهدو ٻنهي ملڪن جي وچ ۾ فوجي تعاون ۽ مشقن جي لاءِ وڌيڪ مددگار ثابت ٿيندو. ڀارتي ميڊيا موجب ورچوئل سمٽ ۾ نريندر مودي جو چوڻ هو ته هي ڀارت ۽ آسٽريليا جي وچ ۾ پارٽنرشپ ۽ بزنس جو نئون ماڊل آهي. ڀارتي ميڊيا موجب ڀارت ۽ آمريڪا جي وچ ۾ به اهڙي نوعيت جو هڪ معاهدو ٿيو آهي جيڪو ٻنهي ملڪن جي وچ ۾ سيڪيورٽي جو تعاون جو حصو آهي ته جيئن خطي ۾ چين جي اقتصادي ترقي ۽ فوجي توازن کي برقرار رکي سگهجي.
