نيب مريم نواز کي احتساب عدالت ۾ پيش ڪري ڇڏيو

نيب پاران گرفتار ڪيل ن ليگ جي اڳواڻ مريم نواز ۽ سندس سئوٽ يوسف عباس کي احتساب عدالت ۾ پيش ڪيو ويو آهي. نيب پاران عدالت کان ٻنهي جو 15 ڏينهن جو جسماني رمانڊ گهريو ويو آهي. نيب عدالت کي ٻڌايو ته مريم نواز ۽ يوسف عباس کي چوڌري شگر ملز جي ڪيس ۾ گرفتار ڪيو ويو آهي. شريف خاندان پنهنجي چوڌري شگر ملز ذريعي مني لانڊرنگ ڪئي. مريم چوڌري شگر ملز جي شيئر هولڊر آهي جڏهن ته يوسف عباس جو اڪائونٽ مني لانڊرنگ لاءِ استعمال ڪيو ويو. نيب عدالت کي وڌيڪ ٻڌايو ته چوڌري شگر مل سميت شريف خاندان جون سموريون ڪمپنيون مني لانڊرنگ لاءِ استعمال ٿيون. مريم جي نالي تي 11 هزار جڏهن ته يوسف عباس جي نالي تي لکين شيئر منتقل ڪيا ويا آهن. جنهن جو تفصيل ٻڌائڻ ۾ ٻئي ڄڻا ناڪام ويا آهن.

 

Leave a Reply

Your email address will not be published. Required fields are marked *