وزيراعظم باب پاڪستان جو سنگ بنياد رکي ڇڏيو

وزيراعظم شهباز شريف لاهور ۾ باب پاڪستان جو سنگ بنياد رکي ڇڏيو. ان موقعي تي تقريب کي خطاب ڪندي وزيراعظم شهباز شريف چيو آهي ته ڪروڙين ماڻهن پاڪستان لاءِ قربانيون ڏنيون. هن چيو ته هي تاريخي هنڌ هندوستان مان هجرت ڪندڙ پاڪستانين جي ياد ڏياري ٿو، هزارين مهاجرين باب پاڪستان جي مقام تي قيام ڪيو هو. وزيراعظم جو چوڻ آهي ته باب پاڪستان جو منصوبو دنيا کي پاڪستان جي قيام جي تاريخ ٻڌائندو، 1991 ۾ نواز شريف باب پاڪستان منصوبي تي ڪم شروع ڪيو هو.