پاڪستاننئوننيو‍‍ز

روس سڄي دنيا ۾ايٽمي هٿيارن جي بندش جي حق ۾ آهي

روس جي صدر ولاد مير پيوٽن چيو آهي ته هن جي خواهش آهي ته سڄي دنيا ۾ ايٽمي هٿيارن تي بندش رکي وڃي ۽ اهو ممڪن به آهي جيڪڏهن دنيا اهڙي ڪوشش ڪري ته اهو هڪ ڏينهن حقيقت ٿي سگهي ٿو. هن وڌيڪ چيو ته دنيا ۾ اڄ اهڙن هٿيارن تي ڪم ٿي رهيو آهي جيڪي ايٽمي هٿيارن کان به وڌيڪ خطرناڪ آهن. ياد رهي ته دنيا جي ائٽمي هٿيارن رکندڙ ملڪيت ۾ روس ٻين نمبر تي آهي. آمريڪا ۽ روس وٽ گڏيل طور تي دنيا جي ايٽمي هٿيارن جو 93 سيڪڙو موجود آهي. سڄي دنيا ۾ هن وقت 14935 ايٽمي هٿيار موجود آهن. هي تعداد 80 جي ڏهاڪي ۾ 70000 هو جيڪو هاڻي گهٽايو ويو آهي. هن وقت 9 ملڪ اهڙا آهن جن وٽ ايٽمي هٿيار موجود آهن. آمريڪا، روس، انگلينڊ، فرانس، چائينا، انڊيا، پاڪستان، اسرائيل ۽ نارٿ ڪوريا تجزيه نگارن جو چوڻ آهي ته پيوٽن ايٽمي هٿيارن تان هٿ کڻن جي حق ۾ اڳ ڪڏهن به نه هو پر شايد نارٿ ڪوريا هن کي ڊيڄاري وڌو آهي.