راولپنڊي: پرتشدد مظاهرن ۾ سرڪاري ملازمن جي ملوث هجڻ جو انڪشاف
راولپنڊي ۾ پرتشدد مظاهرن دوران سرڪاري ملازمن جي ملوث هجڻ جو انڪشاف ٿيو آهي جنهن ۾ راولپنڊي انتظاميه سرڪاري ملازمن خلاف پيڊا ايڪٽ تحت ڪارروائي جو فيصلو ڪيو ويو آهي. ميونسپل ڪارپوريشن جي 3 ملازمن خلاف پيڊا ايڪٽ تحت ڪارروائي شروع ٿي چڪي آهي. سرڪاري ملازمن جي سڃاڻپ وڊيو فوٽيجن سان ڪئي پئي وڃي. وڊيوز مان آر ڊي اي واسا، پي ايڇ اي ۽ ٻين کاتن جي ملازمن جي سڃاڻپ به ڪئي ويندي. ميونسپل ڪارپوريشن گريڊ 11 جو آفيسر ادريس اڳ ئي گرفتار آهي جڏهن ته ميونسپل ڪارپوريشن جا 2 جونيئر ڪلرڪ هارون رشيد ۽ شاهد رضا پادري روپوش آهن. ياد رهي ته سرڪاري ملازم اڳوڻي وزيراعظم عمران خان جي گرفتاري کان پوءِ مڇرجي پيا هئا.
