سنڌ: سمورن ڪاليجن جي پرنسپالن کي بائيو ميٽرڪ حاضري لاڳو ڪرڻ جي هدايت

سيڪريٽري ڪاليجز سنڌ ڪاليجز ڊپارٽمينٽ جي سمورن ڪاليجن جي پرنسپالن کي بائيو ميٽرڪ حاضري لاڳو ڪرڻ جون هدايتون جاري ڪري ڇڏيون. سيڪريٽري ڪاليجز هدايت جاري ڪندي چيو ته سمورن ڪاليجن جا پرنسپال صبح 10 وڳي تائين بائيو ميٽرڪ حاضري لڳائن، ٻي صورت ۾ پرنسپالن جون پگهارون ڪٽيون وينديون. هن آءِ ٽي ڊپارٽمينٽ کي هدايتون پڻ جاري ڪيون آهن ته پرنسپالن جي ماهوار حاضري جي رپورٽ پيش ڪئي وڃي. سيڪريٽري ڪاليجز جو چوڻ آهي ته اهو قدم ڪاليج جي پرنسپالن خلاف شڪايتون ملڻ بعد کنيو ويو آهي.