صحافي ارشد شريف جو مڙھ خانگي هوائي اڏام ذريعي ڏيهه پهچايو ويو
ڪينيا ۾ پوليس جي فائرنگ ۾ قتل ٿي ويل سينئر صحافي ارشد شريف جو مڙهه خانگي هوائي اڏام ذريعي ڏيهه پهچايو ويو آھي. ارشد شريف جو مڙهه وصول ڪرڻ لاءِ سندس وارث اسلام آباد ايئرپورٽ پهتا، ارشد شريف جي ميت کي خانگي اسپتال جي سرد خاني ۾ رکيو ويو. وڏي انگ ۾ شهري اسپتال ٻاهران موجود هئا، سينيئر صحافي جي جنازي نماز فيصل مسجد ۾ ادا ڪئي ويندي. ارشد شريف جي گهرواري جويريا صديق موجب ارشد شريف جي تدفين سڀاڻي اسلام آباد جي ايڇ اليون قبرستان ۾ ڪئي ويندي.
