پاڪستانخاصنيو‍‍ز

ايندڙ مالي سال پاڪستان جي آمدني وڌائڻ جو سال ثابت ٿيندو: وزيراعظم

وزيراعظم شهباز شريف چيو آهي ته ايندڙ مالي سال پاڪستان ۽ عوام جي آمدني وڌائڻ جو سال ثابت ٿيندو. هڪ بيان ۾ وزيراعظم چيو ته بجيٽ 24-2023 نوجوانن جي ترقي، ڪاروبار ۽ روزگار جو تاريخي بجيٽ آهي، مايوسين کي مٽائڻ، ملڪ ۽ قوم جي تعمير، ترقي ۽ خوشحالي سان نئون اعتماد ۽ اميد بحال ڪرڻي پوندي. هن چيو ته صنعت، زراعت، آئي ٽي ۽ توانائي جي شعبن ۾ تيزي سان ترقي ۽ معاشي استحڪام جو بجيٽ آهي. وزيراعظم جو چوڻ آهي ته نوجوان ملڪ جو مستقبل آهن ۽ سندن مستقبل سنوارڻ هميشه وانگر منهنجي پهرين ترجيح آهي، آئي ٽي، زراعت ۽ صنعت ۾ ڪاروبار جي آغاز سان نوجوانن کي پاڪستان جي ترقي جو معمار بنائڻو آهي.