طالبان سان معاهدي باوجود آمريڪا جي فوج افغانستان ۾ رهندي: آمريڪي صدر
آمريڪا جي صدر ڊونلڊ ٽرمپ چيو آهي ته افغان طالبان سان معاهدي باوجود آمريڪا جي ڪجهه فوج افغانستان ۾ رهندي. آمريڪي خابرو اداري کي ڏنل هڪ انٽرويو ۾ هن چيو ته ارڙهن سالن جي جنگ جي ختم ٿيڻ بعد به آمريڪي ڪجهه فوج افغانستان ۾ موجود رهندي. ڇاڪاڻ ته ان کي مڪمل طور تي افغانستان مان ڪڍي نٿو سگهجي. آمريڪي صدر چيو ته آمريڪا جي فوج جي تعداد کي گهٽائي 8600 تائين ڪيو ويندو. جڏهن ته هن وقت افغانستان ۾ 14 هزار آمريڪي موجود آهن. جيڪي اتي دهشتگرديءَ کي ختم ڪرڻ لاءِ ڪم ڪري رهيا آهن.
