انمول پنڪي ڪراچيءَ جي ابوالاصفهاني روڊ،گلشن اقبال، اي ون ڪامپليڪس جي رهڻ واري ميٽرڪ پاس ڇوڪري آهي، جيڪا 1995ع ۾ ڪراچي ۾ ڄائي ۽ هن وقت 31 سالن جي آهي. پنڪي پنهنجن ٽن ڀائرن نثار، رياض ۽ شوڪت سان گڏ رهي ٿي. هن شروعات ۾ پاڻ منشيات استعمال ڪرڻ شروع ڪئي. شراب جي وڌيڪ استعمال سبب جڏهن شراب جو اثر گهٽ ٿيڻ لڳو ته هن ڪوڪين جو هڪ خاص مقدار شراب ۾ شامل ڪري پيئڻ شروع ڪيو ته ان جو مزو ٻيڻو ٽيڻو ٿي ويو. انهيءَ دوران منشيات وڪرو ڪندڙ رانا اڪرم پنڪيءَ سان شادي ڪري ڇڏي ۽ پنڪي پنهنجي فارمولي کي پاڻ تي آزمائڻ کانپوءِ منشيات جو وڪرو ڪرڻ لاءِ مارڪيٽ ۾ لٿي. پنڪيءَ جي فارمولي تي ٺهيل منشيات مارڪيٽ ۾ تمام ستت ئي مقبول ٿي وئي. پنڪيءَ پنهنجي مڙس رانا اڪرم۽ ٽن ڀائرن جي مدد سان اهو ڪم اينٽي نارڪوٽڪس، ايڪسائيز ۽ پوليس جي نظر ۾ اچڻ بنا ڪافي سالن تائين ڪاميابي سان هلايو. سال 2021ع ۾ درخشان پوليس منشيات سپلاءِ ڪرڻ واري هڪ رائيڊر کي گرفتار ڪري ورتو. ڊليوري ڪندڙ رائيڊرن جون گرفتاريون 2022 تائين جاري رهيون. ٻڌايو وڃي ٿو ته درخشان پوليس ڪافي ڀيرا پنڪيءَ کي گرفتار ڪيو، پر پنڪي هر ڀيري ڏي وٺ کانپوءِ آزاد ڪئي وئي. پنڪيءَ جي چوڻ مطابق ته هوءَ جڏهن ڪراچي يا لاهور ۾ ڪنهن ڪم سان ٻاهر نڪرندي آهي ته پاڻ سان گڏ ٻه ڪروڙ کڻي نڪرندي هئي ته جيئن پڪڙجڻ جي صورت ۾ موقعي تي ڊيل ڪري نڪري وڃي ۽ ڪافي ڀيرا ائين پڻ ٿيو.
