پاڪستان ۾ روڊ حادثن کان بچڻ لاءِ سوا 5 ارب ڊالر گهرجن: عالمي بينڪ
ايندڙ 10 سالن دوران پاڪستان ۾ روڊ جي سفر ۾ تحفظ کي يقيني بنائڻ لاءِ 5.15 ارب ڊالرن جي سيڙپڪاري جي ضرورت آهي. سيڙپڪاري سبب بنيادي ڍانچي واري شعبي جي ترقي کي يقيني بڻائڻ ۾ مدد ملندي. سيڙپڪاري سان پاڪستان کي 49.48 ارب ڊالرن جو معاشي فائدو حاصل ٿيندو. عالمي بينڪ جي “روڊ سيفٽي ڪنٽري پروفائل” رپورٽ مطابق پاڪستان کي 2030ع تائين هر سال مجموعي قومي پيداوار جي 0.15 سيڪڙو مساوي سيڙپڪاري جي ضرورت آهي، جنهن سان روڊ حادثن سبب ٿيندڙ فوتگين ۾ 10312 تائين گهٽتائي ٿيندي، جڏهن ته ٽريفڪ حادثن ۾ 22 لک 70 هزار جي گهٽتائي ٿيندي
